Haud Dubito Quin Harrius Potter Romanus sit puer. nam fecundissimi linguae Latinae, divites morum Romanorum sunt libri eius. quis sit Scholae Harrii Hogvardensis sententia propria quaerisne? quippe “Draco Dormiens Numquam Titillandus” — consilium melius de republica praeclara atque egregia sentiendi non potuit Quintus Horatius Flaccus dare: veri simile est in Arte Poetica sic dedit. Quid nomen habet Harrii inimicus maleficus Schola? Draco Malfoy, scilicet, id est, Draco malae fidei. Quidditch Ludus ritu gladiatorum nostrorum cum manubriis scoparum loco gladiorum tridentumque exercitur. num opus plus dicendi est?

novus puer Romanus est Harrius, sic ut verba nova reperiat: mystax fruticosus; perspecilla rotunda; autocineta; ludus Caledonicus; caligae aqua impenetralibes. felicitatem verborum curiosam novorum proponit. siquid inexpertum codicis committit et audet personam formare novam, servitur ad imum, qualis ab incepto processerit, et sibi constat. optimus est narrator qui historiam suam narrando animos liberorum legentum et docet, et delectat, et permovet. Docere, debitum est; delectare honorarium; permovere necessarium. et docet, et delectat, et permovet Harrius Potter. age vero, quid esse potest in otio aut jucundius, aut magis proprium humantitatis, quam historias facetas, ac nulla in res rudes scribere.

historiam Harrii edidisse dicunt Petrum Needham, Scholae Etonensis magistrum emeritum. Rex Henricus, conditor collegii illius, semper est amicus nobis in angustia, cuius prece nos a taedio inepto salvemur perpetue. genus scribendi Marci Tullii imitatur lucidum Petrus, non Publii Cornelii Taciti abruptum sermonis genus ac difficile. opus adgreditur ille opimum casibus, atrox terroribus, discors nodis ambiguis, lascivum cacchinis, ipsa etiam Schola mirabile ac magicum. magi, scilicet, veri et primigeni sunt Romani ac Graeci. Aspicite origines antiquas Abracadabrae atque Hocorum Pocorum: Hocus Pocus, toutous talontus, vade celerita jubes, ut animos Mugglum dubios faciatis. praestantissimi ingenii est ille Needham, capax persaepe leporis et facetiarum sine fuco et fallaciis. historiam Harrii Potter eius praestat in lingua Latina legere quam ex Latino in Anglicum verba translata. felicissima J. K. Rowling, quae talem fontem et originem rerum magicarum et puerilum repperit. Felicissimi nos qui nunc possumus et legere in lingua primigenia et praeclariore, et gaudere, et maxime ridere.

To read an English translation click here

Explore Books

• Book Extracts

• Book Reviews

• Books Group

• Audio Books

Times Recommends

• Superfreakonomics by Steven D Levitt and Stephen J Dubner
• The Times picks the 50 best paperbacks of 2009
• Vincent van Gogh’s letters show the soul of the artist